ABOUT US

Koe Francis TCuttz (Tonga) ko ha ki’i pisinisi famili na’e kamata’aki ‘a e fakakuaku ke tokonia si’oku famili ‘i Tonga tautau tefito ki hoku fanga tuonga’ane ‘oku nau kei ‘iai. Ko hoku tuonga’ane lahitaha ko Lata’imuli ‘Anitoni pea na’a ne manako ‘aupito he TATTOO pehe ki he kosi ‘ulu. ‘I he ‘ene foki hifo ‘a Lata’imuli ki Tonga na’a ku kole ki hoku hoa kema fokotu’u ha fale kosi mo tattoo ke ngaue ai ‘a Lata’imuli pea pehe kia Siu leka pea mo Kihoni. Me’apango he na’e maau e ngaue ni ke fakaava he pongipongi Tokonaki 21 ‘o Sepitema 24 pea koe pongipongi ‘eni na’e si’i folauhola ‘a Lata’imuli he Falemahaki Vaiola. Pea neongo ‘a ‘ene faingata’a ka na’a mau feinga pe kemau tali he koe pule ia ‘oku aoniu he ‘univeesi ni. Na’e toki malava ke fakaava ‘a e falekosi ‘i he ‘aho Falaite 27 ‘o Sepitema 24 hiliange e me’afaka’eiki ‘o Lata’imuli. Na’e hoko ‘eni kene fakamalohia kimautolu kemau hoko atu e ngaue ni lolotonga ’emau kei ma’u e mo’ui pea kemau manatua ai pe si’i tuonga’ane ni. ‘Oku fakalele e falekosi Francis TCuttz (Tonga) ‘e hoku tuonga’ane ko Siu Jr Anitoni pea koe va’a foki ‘eni e falekosi Francis T-Cuttz (NZ) aia ‘oku tu’u ‘i Orewa NZ pea ‘oku owner ia ‘e hoku tuonga’ane ko Taholo Anitoni. Koe ‘alu ‘eni ke ta’u ‘e 4 ‘a ’ema ki’i falevala koe Paige Fashion Store – 9 Fatafehi Road, Nuku’alofa pea ‘oku tu’u pe ‘a e Francis TCuttz (Tonga) ‘i he tafa’aki. Na’e fokotu’u pe ki’i falevala ni ‘ihe fakakaukau tatau kene tokonia si’eku ongomatu’a ki Tonga he koe famili masiva kimautolu. Neongo koe ongo ki’i ngaue ni ‘oku iiki, feifeiavale pea mo faka’ofa ka ‘oku faitapuekina pe ‘e he Tamai Hevani ke a’usia e taumu’a na’e makatu’unga ai hono fokotu’u. ‘Oku ‘ikai foki ko ha pole faingofua ‘eni he ‘oku ma fokoutua ‘i muli mo ’ema fanau ka ‘oku malava pe ‘e he ‘ofa mo ‘etau feongo’i’aki fakafamili kene fakasino ‘etau misi ke hoko ‘o mo’oni. Rest in Love my dear brother Lata’imuli ‘Anitoni. 

Francis T-Cuttz (Tonga) is a tiny family business founded on the family principles of love, sharing, and caring for each other. It is the same family principles that we used three or four years ago when we established the Paige Fashion Store here in Nuku’alofa, just to help my parents and siblings who were still here in Tonga.